LRT құрылысына Ұлттық қордан 50,4 млрд теңге қаржы бөлінгені рас па? Министр не дейді

Бұған қатысты мәселеге брифингте көлік министрі Марат Қарабаев түсінік берді.

Ұлттық экономика вице-министрі Ұлттық қордан LRT құрылысына 50,4 млрд теңге тартқанын айтқан еді. Осы ретте тілшілер: «Неге бірден қордан ақша тартып, оңай жолын іздедіңіздер? Неге инвестор тартпасқа?» деп сұрады.

Иә, биыл құрылыстың аяқталуына тиісті қосымша қаржы бөлінді. Бірақ оның қай қаржы көздерінен, қандай инвесторлар екеніне қатысты жұмыстарды жергілікті атқарушы органдар жүргізді. Сондықтан ол жағынан мәліметім жоқ. Жалпы құрылысына, оның іске қосылуына, қандай қаржы көздерінен болуы мүмкін екенін Астана қаласы әкімдігі жеке басы өзі жүргізді, – деді Марат Қарабаев.

Көлік министрі Ұлттық экономика министрлігінің LRT құрылысына Ұлттық қордан қаржы тартылды деген мәліметін растайтынын айтты.

Өйткені ақшаның алу көзі біздің министрлік арқылы болды. Бұл LRT-ға бөлінген қаржының жалпы бір бөлігі ғана, – деді көлік министрі Марат Қарабаев.