USD
Алматы қаласы Жастар саясаты басқармасы мен Жетісу ауданы әкімдігінің қолдауымен, Қазақстан Адам ресурстары «Human Resources Kazakhstan» жеке мекемесі және Жетісу ауданының демалыс орталықтарының бірлесіп ұйымдастыруымен балаларға арналған Алматы қаласындағы Орталық музейге танымдық экскурсия және тимбилдинг өткізілді. Экскурсияға 50 адам қатысты.
Іс-шараның негізгі мақсаты – балалардың жазғы демалысын тиімді ұйымдастыру, олардың тарихи-мәдени танымын кеңейту, Қазақстанның тарихы мен ұлттық мұрасы туралы білімдерін арттыру, мәдени құндылықтарға деген қызығушылығын қалыптастыру және отансүйгіштік сезімін нығайту.
Экскурсия барысында балалар музейдің экспозицияларымен танысып, Қазақстанның ежелгі дәуірінен бастап қазіргі кезеңіне дейінгі тарихы, ұлттық мәдениеті мен рухани мұрасы туралы танымдық ақпараттар алды.
Музей залдарында қатысушылар археологиялық жәдігерлерді, тарихи-этнографиялық бұйымдарды, ұлттық мәдениетке қатысты экспонаттарды тамашалап, халқымыздың салт-дәстүрі мен тұрмыс-тіршілігі туралы білімдерін толықтырды.
Орталық музейге ұйымдастырылған экскурсия балалардың бос уақытын мазмұнды өткізуіне мүмкіндік беріп қана қоймай, олардың тарихи санасын қалыптастыруға, ұлттық мұраға деген қызығушылығын арттыруға және ел тарихына деген құрметін нығайтуға бағытталды.
