USD
Атбасарда әйел көршісін пышақтап, пәтерін сыртынан құлыптап кеткен
Атбасарда 58 жастағы әйел өз үйінен пышақ жарақаттарымен ес-түссіз күйде табылды. Полиция оқиға орнына келгенде, пәтердің есігін бұзып кіруге тура келген.
Алдын ала мәліметке сәйкес, әйелге көршісі шабуыл жасап, бірнеше рет пышақ жарақатын салған. Оқиғадан кейін күдікті пәтердің есігін сыртынан жауып, оқиға орнынан кеткен. Болжам бойынша, ол пышақты да өзімен бірге алып кеткен.
Ақмола облысының Полиция департаменті аталған фактіге қатысты қылмыстық іс қозғалғанын хабарлады.
Ведомство мәліметінше, іс денсаулыққа қасақана ауыр зиян келтіріп, адам өліміне әкеп соққан факті бойынша тіркелген. Күдікті полиция қызметкерлерімен ұсталып, уақытша ұстау изоляторына қамалды.
Қазір тергеу амалдары жүргізіліп, оқиғаның барлық мән-жайы анықталып жатыр. Полиция қылмыстық іс бойынша өзге де мәліметтер тергеу мүддесіне байланысты жарияланбайтынын атап өтті.
