Интернеттегі иман саудасы

Әлеуметтік желіде талас-тартыс көп. Бұл цифрлық дәуірдегі соғыстың жаңа түрі. Қоғамдық пікірді манипуляциялау, оқиғаның бағытын бұру, өз дегеніне көндіру, сол арқылы мақсаттарына жету белгілі бір күштің бүгінгі айла-амалы. Бұндай тактиканы деструктивті діни ағымдар да ұтымды пайдалануда. Көп жағдайда сценарий сырттан сызылады. Сондықтан бұл соғыстың қашан басталып, қашан аяқталатыны, бастысы ол науқан кімдерге арналғанын дөп басып айту қиын.