USD
2025 жылғы 1 қазандағы жағдай бойынша Қазақстан аумағында жергілікті атқарушы органдардың рұқсатымен 14 666 шетел азаматы жұмыс істейд.
Шетелдік жұмыс күшін тартуға берілген рұқсаттар келесі санаттар бойынша бөлінеді:
- Басшылар мен олардың орынбасарлары – 561 адам (I санат);
- Құрылымдық бөлімшелер басшылары – 2 280 адам (II санат);
- Мамандар – 3 884 адам (III санат);
- Білікті жұмысшылар – 988 адам (IV санат);
- Маусымдық жұмыстарға тартылғандар – 3 036 адам;
- Корпоративтік ауыстыру шеңберінде келгендер – 3 918 адам.
Қазіргі таңда елде 1 896 жұмыс беруші шетелдік жұмыс күшін пайдаланып отыр. Бұл кәсіпорындарда 339,1 мыңнан астам қазақстандық еңбек етеді, яғни жалпы қызметкерлер санының 96%-ын отандық мамандар құрайды.
Экономикалық қызмет түрлері бойынша шетел азаматтарының көбі мына салаларда жұмыс істейді:
- Құрылыс – 4 799 адам,
- Ауыл, орман және балық шаруашылығы – 3 065 адам,
- Тау-кен өнеркәсібі және карьерлерді қазу – 1 187 адам,
- Өңдеу өнеркәсібі – 1 085 адам.
- Шетелдік мамандардың негізгі бөлігі мына елдерден келеді:
- Қытай – 5 330 адам,
- Өзбекстан – 2 682 адам,
- Түркия – 1 046 адам,
- Үндістан – 1 012 адам.
Ішкі еңбек нарығын қорғау мақсатында ҚР Еңбек және халықты әлеуметтік қорғау министрлігі жыл сайын шетелдік жұмыс күшін тартуға квота белгілейді.
2025 жылға жалпы квота – жұмыс күшінің 0,2%-ы немесе 14,8 мың бірлік мөлшерінде бекітілген.
Биыл наурыз айында бұл көрсеткіш жергілікті атқарушы органдардың өтінімдері негізінде 16,5 мың бірлікке дейін ұлғайды.
Ал тамыз айынан бастап маусымдық жұмысшыларға арналған кәсіптер тізімі кеңейтілуіне байланысты квота 0,25% немесе 19,4 мың бірлікке дейін артты.
