Шокирбек неге шаталды?

Деструктивті діни ағым – қоғамның тыныштығын бұзатын, ұлттық бірлік пен рухани тұтастыққа сызат түсіретін идеологиялық қауіп. Дінді жеке мүдделеріне шебер пайдаланатындар үшін өз ұстанымындағы адамдар – «бауыр», басқалар – құны жоқ «кәпір». Әккі арбаушылар онлайн тұзаққа жастарды көбірек түсіруді көздейді. Себебі оларды жалған ұранға сендіріп, қылмысқа көндіру оңай. Шокирбек – сол соқыр сенім құрбаны.