Тамұқтан қайтқан тұтқын

Абзал Амангелді Сирияда әкесінен, ағасынан айрылды. Бауыры екеуі қазір қапаста. Халықаралық террорлық ұйымды қолдағандары үшін жазаларын өтеп жатыр. Айтуынша, әлемнің берекесін кетірген ұйым кіл надандардан жасақталған. Әріп танымайды, сауатсыз. Сөйтетұра үстемдік құрғысы келеді. Отбасы құндылығын білмейді. Соған қарамастан балиғат жасқа енді толған жас қыздарды әйел етіп алғысы келеді. Бірнеше жыл бүлікшілер ордасында болған жерлесіміз интернеттегі жалған ұранға сенбеуге, ермеуге шақырады.