Тұрғын үй құлап, бірнеше адам қаза тапты

Иранның Тегеран провинциясына қарасты Гийамдашт қаласында бүгін таңғы сағат 03:34 шамасында тұрғын үй ғимараты құлады.

Бұл туралы «Еркін Иран» Telegram-арнасы мәлімдеді.

Алынған мәліметтерге сәйкес, қайғылы оқиға салдарынан үш адам қаза тауып, бір адам жарақат алған. Қазіргі уақытта құлаған үйдің қирандыларын тазарту жұмыстары жалғасуда. Жараланғандар мен қаза тапқандардың санының өсуі мүмкін деген болжам бар.