Ертең Nur Otan партиясы саяси кеңесінің отырысы өтеді

Nur Otan партиясы бейсенбі, 27 қаңтарда саяси кеңестің отырысын өткізеді. Бұл туралы Nur Otan партиясы төрағасының бірінші орынбасары Бауыржан Байбек хабарлады.

"Nur Otan" саяси кеңесі бюросының қаулысымен (Жарғының 9.5. тармағына сәйкес) 27 қаңтарда партияның саяси кеңесінің отырысын өткізу туралы шешім қабылданды", - деп жазды ол Twitter-де.
Бұған дейін 28 қаңтарда Nur Otan партиясының кезектен тыс XXI съезі өтетіні хабарланған еді.

Еске салсақ, былтыр қараша айының соңында Елбасы Нұрсұлтан Назарбаев Nur Otan партиясының төрағасы өкілеттігін президент Қасым-Жомарт Тоқаевқа тапсыратынын мәлімдеді.

Партия жарғысына сәйкес, төрағаны сайлау және қызметінен босату Nur Otan партиясы съезінің ерекше құзыретіне кіреді.