Адасқан Арман

Степногорск қаласының тумасы Думан Таяу Шығыстағы  қарулы қақтығысқа қатысып, бейбіт елді ойрандағандардың бірі. Оның діни білімі жоқ. Сөйтетұра интернеттегі псевдоуағызшылардың  ықпалымен  айналасын айыптап, елден  кетті. Содырлардың сойылын соғып, қолына қару алды. Көп ұзамай ағасын жоғалтты. Өзі қудалауға ұшырап, тұтқында болды. Қазір сол қылмысы үшін қатаң режимдегі түрмеде жазасын өтеуде.

Жалпы елімізде қарулы қақтығыс аймағынан оралғандарды оңалтудың бағдарламасы әзірленген. Күрмеуі қиын күреске бірнеше  мекеменің  теологтары, психологтары тартылды.