Ақтауда өрттен үш бала құтқарылды

Маңғыстау облысында үш бала өрттен құтқарылды.

Ақтау қаласының көппәтерлі тұрғын үйлерінің бірінен өрт шығып, осы үйдің адамдары Өрт сөндіру бөлімдері келгенше өз күшімен тілсіз жауды сөндіруне тырысты.

ТЖД үш баланы өрттен алып шықты. Бір бала уланып, ауруханаға жатқызылды.

Алматы қаласының Түрксіб ауданындағы тұрғын үйлердің бірінде бірінші қабаттағы пәтер өртеніп, бір ер адам құтқарылды.

Өрт матрастан шыққан. Төсек жанғанда тілсіз жау бір шаршы метрді алып кеткен.

Төтенше жағдайлар департаментінің қызметкерлері пәтерге тез жетіп, айналасы 13 минутта өртті сөндіріп үлгерді.

Өрттің себебі анықталуда.

Солтүстік Қазақстан облысы Мағжан Жұмабаев ауданы Булаев қаласында да жер үй өртеніп, ол жерден де адамдар құтқарылды.

Құтқарушылар оқиға орнына келгенде өрт 65 шаршы метрге таралып кеткен. Өрт сөндірушілер тіліз жауды ауыздықтап, адамдарды ажалдан құтқарды. Зардап шеккендер жоқ. Бұл жерде де өрттің себебі анықталып жатыр.

Бүгін түнде Алматы облысының Еңбекшіқазақ ауданы Бәйтерек ауылындағы дәмханалардың бірінен де өрт шықты. Мұнда кафенің бөлек жерде тұрған ас бөлмесі жанып кеткен.

ТЖМ құтқарушылары 40 минутта 165 шаршы метр жерге таралған өртті сөндірді.

Сондай-ақ, Тараз қаласындағы жер үйлердің бірінде жиһаз цехына айналдырылған қорадан да  өрт шыққан. Өрт сөндірушілері оттан 3 газ баллонын алып шықты.