Астанада 15 жаңа денсаулық сақтау мекемесі салынады

Астанада 2027 жылға дейін 15 денсаулық сақтау мекемесін ашу жоспарланып отыр. Қалалық денсаулық сақтау басқармасының басшысы Әлия Рүстемова медицинаның инфрақұрылымдық дамуы туралы толығырақ айтып берді.

Жоспарланған ірі мекемелердің ішінде перинаталдық орталық, 2 жаңа заманауи көпсалалы аурухана (оның бірі балалар ауруханасы), 2 мемлекеттік және 3 жеке емхана бар.

Жыл сайын Астана тұрғындарының саны 60-70 мың адамға көбейеді. Бұл туу көрсеткішінің артуынан және басқа аймақтардан көші-қон есебінен болып отыр. Әрине, қолда бар денсаулық сақтау инфрақұрылымы жеткіліксіз. Мысалы, қаладағы соңғы мемлекеттік нысан 2015 жылы іске қосылды. Одан бері 9 жыл өтті, ал жаңа мемлекеттік нысандар жоқ. Сондықтан бізге алдағы жылдары жаңа денсаулық сақтау нысандарын пайдалануға беру міндеті жүктелді. Жаңа нысандарды салу және ашу бойынша бекітілген жобалар бар, – деді денсаулық сақтау басқармасының басшысы.

Алдағы жылдарға 2 мемлекеттік емхана салу және жеке инвестициялар аясында 3 жаңа емхана ашу жоспарланып отыр.

Биыл №1 көпсалалы қалалық балалар ауруханасы мен ұлттық шұғыл медицинаны үйлестіру орталығының базаларында 2 балалар травматологиялық пунктін ашу жоспарланып отыр. Бұдан әрі №2 қалалық көпбейінді аурухана базасында (Акушерлік және клиникалық блоктар арасында салынып жатқан қабылдау-диагностикалық кешенде) жарақат пунктін ашу мәселесі қаралып жатыр, – деді Әлия Рүстемова.

Ол бұрынғы теміржол ауруханасының (қазір №3 көпсалалы қалалық аурухана) жағдайы туралы да айтты.

Бұл – қаланың алғашқы ауруханаларының бірі. 1959 жылы салынған. Сарыарқа ауданына №3 жаңа аурухана салу жоспарланып отыр. Осылайша, біз стационарлық төсектерге деген қажеттілікті өтей аламыз деп үміттенеміз. Ол төсек-орын қаланың мәртебесіне қарай қажет болып отыр. Сондықтан әйелдердің көбі Астанада босанғысы келеді. Біз босандырудан бас тартпаймыз. Бәрін қабылдаймыз. Қазір қалада тек 3 перзентхана бар. Бұл жеткіліксіз. Тұрғындар көбейген сайын шамамен 500 акушерлік төсек-орын керек, – деді  Әлия Рүстемова.

Бүгінде республикалық және Ұлттық ғылыми орталықтарды ескере отырып, қала бойынша 3 775 төсек қоры бар. Оның ішінде 1 622 төсек – қалалық стационарда.