Қарағанды облысында әкімдіктің бұрынғы есепшісі сотталды

Осакаров ауданында әкімдіктің бұрынғы есепшісі 3,6 жылға сотталды, деп хабарлады Қарағанды облысының прокуратурасы.

Аудандық прокуратура Молодежный кентінің әкімдігінде жұмыс істеген бұрынғы бухгалтердің 2022-2023 жылдары өзіне 5 млн теңгеден асатын қаражатты негізсіз есептегенін анықтады. Алаяқтық фактісі бойынша қылмыстық іс тіркелді.

Осакаров аудандық сотының үкімімен есепші кінәлі деп танылып, 3 жыл 6 айға бас бостандығы шектелді.

Мемлекетке келтірілген шығын толық өтелді.