«Мектепте дәретхана қағазы болады»: ДСМ оқушылар үшін бұйрыққа түзету енгізбек

Денсаулық сақтау министрлігі Қазақстанда оқушылар үшін бұйрыққа маңызды түзетулер енгізбек.

Бұйрықтың жобасы «Ашық НҚА» порталында жарияланды.

Жаңа түзетулерге сәйкес, еліміздегі барлық мектептің дәретханасында дәретхана қағазы, сабын, қоқыссалғыш пен есіктерде тиектер орнатылуға тиіс.

Объектілердің санитариялық тораптарында унитаздар, қол жуатын раквиналар, қолды жууға және кептіруге арналған құралдар, дәретхана қағаздары, сол қағаздарға арналған ұстағыштар, қоқыс жинауға арналған қоқыссалғыштар орнатылады. Мектепке дейінгі даярлық сыныбына баратын балалар үшін арнайы унитаздар орнатылады. Унитаздар жабық кабинада болады, оның есігі жабылады, - деп жазылған бұйрықта.