Щучьеде 2 жасар бала бесінші қабаттан құлап кетті

Щучье қаласында 2 жасар бала бесінші қабаттың терезесінен құлады.

ТЖМ баспасөз қызметінің мәліметінше, оқиға кеше Ақмола облысының Щучье қаласындағы көпқабатты тұрғын үйлердің бірінде болған. Бала түрлі жарақаттармен ауруханаға жатқызылды.

ТЖМ ескертеді:

• Кішкентай балаларды қараусыз қалдырмаңыз;
• Ешқашан москит торларына сенбеңіз. Олар құлаудан қорғауға арналмаған;
• Балаларға ересектердің қарауынсыз балконға шығуға рұқсат бермеңіз.