Шерзодтың оралуы

Алғашқы жылдары қарулы қақтығыс аймағынан елге жеткізілген жерлестерімізге қоғамда үрке  қарағандар көп болды. Бірақ, мемлекеттік органдар бірлесе атқарған шаралардың нәтижесінде  күдік сейілді. Шерзод елге оралғандардың бірі. Ол Өзбекстан  Республикасында дүниеге келген. 1990 жылдардың ортасында ата-анасы Сайрам ауданына көшіпті. Әкесі радикалды уағызшыны тыңдап, аз уақытта ол киім үлгісін өзгертеді. Лексикондарында діни терминдер  қаулайды. Тарихтан жеріп, зайырлы қоғамды жау санайды. Осылайша  отағасы «жұмаққа тез жетеміз» деген оймен оттың ортасына отбасын  тастайды. Өзі мерт болды, баласы абақтыда. Шерзодтың анасымен апаларынан хабар жоқ.