Украинаның Запорожье, Харковь облыстарына тағы да жойқын шабуыл жасалды

Украина аумағына тағы да зымырандармен, дрондармен шабуыл жасалып, Запорожье, Харковь облыстарында жарылыс болды.

Ал Кривой Рог қаласында камикадзе-дрон энергетикалық инфрақұрылым нысанына түскен. Соның салдарынан бірнеше аудан жарықсыз, сусыз қалды.

Оның үстіне Ресей президенті Владимир Путин елдің әскери өнеркәсібін бәсекеге қабілетті етуге, қару-жарақты үнемі жетілдіруге үндеді. Дегенмен АҚШ-тың соғысты зерттеу институты Ресейдің маңызды қару түрлерін изоляцияға ұшыраған Иран мен Солтүстік Кореядан сатып алуға мәжбүр екенін хабарлады.

АҚШ тарапының мәліметінше, Путиннің әлгі қару-жарақты жетілдіруге қатысты талабы орынсыз. Ал РФ билігі Иран мен Солтүстік Кореядан қару алғандарын әлі де жоққа шығарып келеді.