Елордада садақ атудан халықаралық турнир өтеді

Астанада садақ атудан Гран-при турнирі өтеді.

Olympic.kz мәліметінше, 30 қазан мен 4 қараша аралығында бас қалада садақ атудан халықаралық Гран-при турнирі өтеді.

Осымен төртінші рет ұйымдастырылатын додаға Қазақстан және алыс-жақын шетелдерден спортшылар қатысады, – делінген ақпаратта.

Дәстүрлі бәсеке садақ ату спортының кеңінен таралуына үлкен үлес қосқан бапкер Светлана Лиді еске алуға арналған. 

Сондай-ақ, жарыстың басты мақсаты – балалар, жасөспірімдер әрі ересектер арасында садақ ату спортын насихаттау.