Еңбек құқығын Төртінші өнеркәсіптік революцияға бейімдеу

2023 жылғы 16-19 мамырда Maqsut Narikbayev University-де «Өзгерістер дәуіріндегі еңбек құқығы: трендтер мен жаңа сұраныстарға жауаптар» атты тақырыбында «MNU-дағы еңбек құқығы апталығы» аясында ашық дәрістер өтті.

«Өзгерістер дәуіріндегі еңбек құқығы: трендтер мен жаңа сұраныстарға жауаптар» апталығының мақсаты – еңбек құқығы саласындағы ағымдағы тенденцияларды талдау және әлемдегі әлеуметтік-экономикалық жағдайдың өзгеруіне байланысты жаңа сұраныстарға жауаптарды әзірлеу. Мамырдың 19-і күні осы ашық дәріс аясында з.ғ.д., профессор, Maqsut Narikbayev University Associate Professor Никита Лютовтың «Еңбек құқығын Төртінші өнеркәсіптік революцияға бейімдеу» тақырыбында презентациясы өтті.

Профессор Н. Лютов аудиториямен Төртінші өнеркәсіптік революция кезінде еңбек құқығы алдында тұрған маңызды мәселелер туралы сөз қозғады. Бұл революция ақпараттық технологияларды кеңінен қолдануға, заттар интернетін дамытуға, бизнес-процестерді автоматтандыруға, жасанды интеллектті таратуға, сондай-ақ цифрлық технологиялардағы сапалы прогреске және оларды биотехнологиямен үйлестіруге негізделген өндірістің жаңа әдісімен сипатталады.

Бұл процестер еңбек қатынастарына тікелей әсер етіп қана қоймай, еңбек құқығын интернет-платформаларды дамытуға бейімдеу қажеттілігі туралы сұрақтар туғызады. Көбінесе бұл платформалар жұмыс берушілер рөлін атқарып, еңбек нарығының маңызды сегменттерін бақылайды, сонымен бірге өздерін жұмысшылар мен тапсырыс берушілер арасындағы делдал ретінде көрсетеді, бұл миллиондаған жұмысшыларды еңбек құқықтарынан айырады.

Еңбек заңнамасының басқа да мәселелерімен қатар заманауи қадағалау технологияларын пайдалана отырып, қызметкерлердің жеке өміріне араласудан қорғаудың құқықтық тетіктері мәселелері талқыланды. Сондай-ақ, қызметкерлерді жұмыс берушінің тікелей өкілдерімен байланысу мүмкіндігінен айыратын персоналды алгоритмдік басқаруға байланысты ережелерді әзірлеу, еңбек заңнамасы үшін жаңа міндет болып табылатын жұмыс орнындағы стресстен қорғау, жасанды интеллектті дамыту аясында жұмыс орындарын сақтау мәселелері қозғалды.