Жайық өзеніндегі судың деңгейі 2,5 есе көтерілуі мүмкін

Жайық өзенінде судың 2-2,5 есе көтерілуі мүмкін, деп хабарлады «Қазгидромет» РМК.

Жайық өзені ағынының жоғарғы бөлігіндегі бақылау деректеріне негізделген «Росгидрометтің» болжамына сәйкес, биыл көктемгі тасқында судың деңгейі 2023 жылғы орташа көпжылдық мән мен көрсеткіштен 2-2,5 есе асады.

Жоғарғы Орал су қоймасында (Ресей Федерациясының Челябі облысы) су тасқыны 0,36-дан 0,46 текше шақырымға дейін болады деген болжам бар. Бұл – өткен жылдың көрсеткішінен 9 есе көп және максималды көпжылдық сипаттамаға жақындады.

Су тасқынының болжамды көлемі Ириклин су қоймасы (Ресей Федерациясының Орынбор облысы) – 2,5-тен 3,5 текше шақырымға дейін. Бұл 2023 жылғы мәліметтен 2 есе көп және тарихи максимумға жақындады.

Сақмар-татар Қарғалы (Ресей Федерациясының Орынбор облысы) учаскесі үшін су тасқыны 5-тен 6 текше шақырымға дейін болады. Бұл – өткен жылдың көрсеткішінен жоғары.

Қазақстан аумағында Орал-Көшім (Батыс Қазақстан облысы) гидропосты бойынша өзен биыл 7-12 сәуір аралығында тасуы мүмкін. Орал-Көшім учаскесіндегі көктемгі су тасқынының көлемі 11-ден 15 текше шақырымға дейін болады. Бұл өткен жылғы көрсеткіштен едәуір асып түседі және рекордтық мәнге жақындайды.