ҰҚШҰ миссиясы Арменияға аттанады

13 қыркүйекте Арменияның бастамасымен ҰҚШҰ Ұжымдық қауіпсіздік кеңесінің кезектен тыс отырысы өтті.

Кеңесте тараптар Арменияға ҰҚШҰ Бас хатшысы Станислав Зас, ҰҚШҰ Біріккен штабының бастығы Анатолий Сидоров, сондай-ақ ҰҚШҰ-ға мүше елдердің өкілдері бастаған миссияны жіберуге келісті.

Миссия жағдайды бағалап, мемлекет басшыларына баяндама дайындайды.

2022 жылдың 13 қыркүйегіне қараған түні Армения мен Әзірбайжан шекарасында соғыс қимылдары басталды, тараптар бір-бірін шиеленісті бастады деп айыптады. Ресей Сыртқы істер министрлігі Ереван мен Бакуді жағдайдың шиеленісуіне байланысты екі елдің шекарасындағы жағдайды одан әрі ушықтырудан аулақ болуға шақырды.

Қазақстан Президенті Қасым-Жомарт Тоқаев қақтығысты тек саяси-дипломатиялық жолмен шешу қажеттігін айтты. Сондай-ақ мемлекет басшысы жағдайды тұрақтандыру үшін барлық шараларды қабылдап, күш қолданудан бас тартып, келіссөздерді дереу бастауға шақырды.