Тараз қаласында Шерхан Мұртаза тұрған үйге ескерткіш-тақта орнатылды

Таразда еліміздің халық жазушысы, Мемлекеттік сыйлықтың лауреаты Шерхан Мұртаза тұрған үйге ескерткіш-тақта орнатылды, деп хабарлайды Taunews.kz.   

Жазушының туған күні қарсаңында Тараз қаласындағы «Астана» шағын ауданындағы өзі тұрған 7-үйге ескерткіш тақта орнатылды. Аталған белгі Жамбыл облыстық мәдениет, архивтер және құжаттама басқармасына қарасты Шерхан Мұртаза атындағы руханият және тарихтану орталығының бастамасымен орнатылды. 

Аталған шарада облыс әкімінің орынбасары Ержан Жылқыбаев сөз сөйледі.

Салтанатты түрде облыстық ардагерлер кеңесінің төрағасы Еркінбек Солтыбаев, Тараз қалалық мәслихатының хатшысы Батырбек Құлекеев, жазушының немере інісі Әлижан Мұртазаның қатысуымен ескерткіш-тақтаның лентасы қиылды.