Кәсіпқой боксшы Мадияр Әшкеевтің келесі қарсыласы анықталды

Кәсіпқой бокста жеңіліп көрмеген қазақстандық боксшы Мадияр Әшкеев  шаршы алаңға желтоқсанда оралады, - деп хабарлайды Taunews.kz Boxingscene.com порталына сілтеме жасап.

Әшкеев шаршы алаңға 3 желтоқсанда Лос-Анджелес қаласында Фредди Роучтің Wild Card Boxing Gym залында өтетін бокс кешінде шығады. Оның қарсыласы жеңілмеген америкалық боксшы Чарльз Конуэлл болмақ. Жекпе-жек он раундқа жоспарланып отыр. Кездесуді NBC арнасы тікелей эфирде көрсетеді.

"NBCSN арнасында жекпе-жек өткізуге мүмкіндік алғаным үшін қуаныштымын. АҚШ жерінде бірінші рет телеарнада көрсететін айқаста өзімді жақсы қырынан көрсетіп, үлкен мәлімдеме жасауға дайынмын", - деді жерлесіміз Мадияр Әшкеев. 

Бастапқыда  Әшкеев пен Конуэлл арасындағы кездесу 10 сәуірде өтуі керек еді. Бірақ, жоспарланған бокс кеші коронавирус инфекциясына байланысты кейінге шегерілді.