USD
Алматы қаласының Түрксіб ауданында кәмелетке толмағандардың құқықтарын қорғау және құқық бұзушылықтың алдын алу мақсатында «Заң мен тәртіп» жобасы аясында рейдтік іс-шара өткізілді. Рейд барысында тәртіп сақшылары және Турксиб ауданы комьюнити орталығының резиденттері түнгі уақытта заңды өкілдерінің қарауынсыз жүрген жасөспірімдерді анықтады. Сонымен қатар, көңіл көтеру орындары, интернет-клубтар мен қоғамдық орындар тексерілді. Құқық қорғау органдары балалардың қауіпсіздігін қамтамасыз ету және олардың құқықтарын сақтау мақсатында ата-аналармен профилактикалық әңгіме жүргізіп, түсіндіру жұмыстарын ұйымдастырды.
Мұндай іс-шаралар жасөспірімдер арасындағы құқық бұзушылықтың алдын алуға, олардың қауіпсіздігін нығайтуға және ата-аналардың жауапкершілігін арттыруға бағытталған. Түрксіб ауданының құқық қорғау органдары кәмелетке толмағандардың заңды құқықтары мен мүдделерін қорғау бойынша жұмыстарды жалғастыра береді.
