Бүгін магниттік дауыл болады

Ғалымдар Жерді қамтитын магниттік дауылдардың шарықтау шегі туралы болжамды жаңартты.

Бұл туралы 2025 жылдың 20 сәуірінде Ресей Ғылым академиясының Қолданбалы ғарыштық зерттеулер институтының Күн астрономиясы зертханасының сайтында жарияланды.

Магниттік дауылдардың шарықтау шегі дүйсенбіден сейсенбіге ауыстырылды. Қалғаны өзгеріссіз. Дауылдар әлсізден орташа деңгейге дейін болады деп күтілуде, – делінген ақпаратта.

Бұған дейін синоптик Михаил Леус 2025 жылдың 22 сәуірі күні кешке Жерге тағы да магниттік дауылдар келетінін хабарлаған еді. Мамандардың бағалауы бойынша, олардың күші G1-ден G2 деңгейіне дейін жетуі мүмкін.