USD
Қазақстанда 2026 жылдан бастап ауыр салмақты жүк көліктеріне толық тыйым салынады.
2026 жылдан бастап Қазақстанда рұқсат етілген салмақ нормасынан асатын жүк көліктерінің жолға шығуына толық тыйым енгізіледі. Сондай-ақ, дүкендер мен кәсіпорындарға мұндай көліктермен жеткізілген жүктерді қабылдауға рұқсат берілмейді. Ережені бұзғандарға айыппұл салынып, тіпті жер қойнауын пайдалану келісімшарттары бұзылуы мүмкін.
Негізгі өзгерістер:
- Артық салмақты жүк көліктерінің республикалық және қалалық жолдарда жүруіне тыйым салынады.
- Жүк жөнелтушілер мен қабылдаушылар салмақтық нормаларды сақтауға міндеттеледі.
- Ережені бұзған кәсіпорындарға айыппұл салынып, екі рет қайталанса, лицензиясы кері қайтарылады.
- Барлық жүктерді тиеу алдында өлшеп, пломбалап, арнайы сертификат беру талабы енгізіледі.
Статистика бойынша, Қазақстан жолдарында жыл сайын 25 мыңға жуық зақымдану оқиғасы тіркелсе, оның 60%-дан астамы ауыр салмақты жүк көліктерінен туындайды. Мұндай көліктер, жүксіз болса да, 12 тоннадан асатын салмағымен жолдарды тез бұзады.
Министрлік бұл қадамды жол инфрақұрылымын сақтау және жөндеу шығындарын азайту мақсатында енгізіп отыр. Жаңа бақылау жүйесі ауыр жүк көліктерінің салдарынан болатын жол бұзылуларын алдын алуға көмектеседі.
