Қазақстандықтар Құрбан айтта неше күн демалады

Мерекеге орай маусым айында қазақстандықтар қосымша бір күн демалады.

Биыл Құрбан айттың бірінші күні жұма — 6 маусымға сәйкес келеді. Заң бойынша бұл күн ресми демалыс саналады. Осылайша, бес күндік жұмыс аптасымен жұмыс істейтін қазақстандықтар үш күн қатарынан — 6 маусымнан 8 маусымға дейін демалады.

Алты күндік жұмыс аптасында 6 және 8 маусым — демалыс күндері, ал сенбі — 7 маусым жұмыс күні болып есептеледі.

Құрбан айт — мұсылмандардың ең басты мерекелерінің бірі, ол Ораза айттан кейін 70 күн өткен соң атап өтіледі. Бұл күні мұсылмандар арнайы айт намазын оқып, құрбандыққа мал шалады. Сондай-ақ бұл мейрам қажылықтың — Меккеге жасалатын сапардың аяқталуымен тұспа-тұс келеді.