USD
Сара Назарбаева қазіргі уақытта Президент Іс басқармасы Медициналық орталығының Ұлттық госпиталінде ем қабылдап жатыр. Бұл туралы ресми сауалға берілген жауаптан белгілі болды.
5 мамырда Сара Назарбаева ауырып жатқаны белгілі болды.
Барлық медициналық шара бекітілген стандарттарға сәйкес және білікті мамандардың бақылауымен жүргізіліп жатыр, – деп хабарлады Ұлттық госпитальдің баспасөз қызметі.
Медициналық мекеме әкімшілігі мәліметінше, қолданыстағы заңнамаға сәйкес диагнозға, денсаулық жай-күйіне, емдеу әдістері мен нәтижелеріне қатысты мәліметтер дәрігерлік құпияға жатады. Мұндай ақпаратқа қолжеткізу тек пациенттің келісімі бойынша немесе заңда көзделген өзге негіздер бойынша мүмкін болады.
Сондай-ақ медициналық этика мен кәсіби жауапкершілік қағидаларына сәйкес медициналық ұйымдар дербес медициналық деректермен жұмыс істеу кезінде құпиялық режимін қатаң сақтау міндетті. Ақпаратты таратпау туралы шешім пациенттің жеке өміріне құрмет көрсету, емдеу процесіне сыртқы араласудан қорғау және оның заңды құқығын қамтамасыз ету мақсатында қабылданды, – деп қосты медициналық мекеме.
