USD
БҚО-да мотоцикл жүргізушісі жол апатынан қаза тапты
Батыс Қазақстан облысында Чапаев – Жаңақала – Сайхин автожолында мотоцикл қатысқан жол апаты болды. Оқиға салдарынан жүргізуші көз жұмды.
Облыстық Полиция департаментінің хабарлауынша, SONLINK маркалы мотоциклді басқарған азамат арнайы қорғаныш шлемін кимей, Жаңақала ауданына қарасты Маштексай ауылына қарай жолға шыққан. Алайда жол үстінде рульге ие бола алмай, апатқа ұшыраған.
Жүргізуші ауыр жарақаттармен ауруханаға жеткізілгенімен, дәрігерлер оның өмірін сақтап қала алмады.
Қазіргі уақытта оқиғаға қатысты сотқа дейінгі тергеу жүргізіліп жатыр.
