USD
Ресей NAVAI ісіне байланысты Қазақстанға нота жолдады
Жамбыл облысында есірткімен ұсталған ресейлік әнші Наваи Бакировке (NAVAI) қатысты Ресей Қазақстанға нота жолдады. Бұл туралы ҚР Сыртқы істер министрлігі мәлімдеді.
Ресей тарапы ұсталған азамат туралы ақпарат беріп, оның қай жерде екенін хабарлауды сұраған.
«Сыртқы істер министрлігіне Ресей тарапынан нота келіп түсті. Онда Ресей Федерациясының ұсталған азаматтары туралы мәлімет беруі және олардың қай жерде екенін хабарлау жөнінде өтініш білдірілген. Консулдық қызмет аясында мұндай өтініштермен жүгіну – қалыптасқан тәжірибе», – делінген ведомство хабарламасында.
Министрліктің мәліметінше, тиісті сауал Қазақстанның құқық қорғау органдарына жолданады.
Еске салайық, әнші 13 қазанда Жамбыл облысындағы «Қордай» өткізу бекетінде ұсталған. Оған қатысты шараға көлігінен есірткі табылуы себеп болған.
