Жат қолдың көсеуі болма

Терроризм, экстремизм, сепаратизм. Үш зұлымды ақтаған псевдоуағызшылардың зымияндығы сатылы түрде жүзеге асуда. Стамбулдағы топ бейресми марказдарды жарнамалайды. Каирдан көсемдер қоштап, асыра бөсіп тастайды. Экстремистік ұйымдардың идеологтары Самарканди мен Давран Стамбулда 50-ден аса заңсыз орталыққа иелік етеді. Негізі нысаналары – Орталық Азия. Үлкенді де, кішіні де қабылдайды. Діни білім берген болып, террорлық ұйымдарға жақтас дайындайды. Бейресми марказдарға маталған талай жерлесіміз қазір ғаламтор төрінен ұлттық құндылықтарға шабуыл жасап жатыр. Сөз бастайтын шешен де емес, жол көрсететін көсем де емес….. тек отқа салатын көсеу ғана….