Алматыда көкөніс бағасын тұрақтандыру үшін ай сайын шекті баға белгіленеді

Алматыда көкөніс бағасын тұрақтандыру үшін ай сайын шекті баға белгіленеді. Бұл туралы қала әкімдігінің баспасөз қызметі хабарлады.

«Алматы» ӘКК «Magnum Cash&Carry» ЖШС-мен әлеуметтік маңызы бар азық-түлік тауарларының төрт түрін: картоп, сәбіз, пияз және қырыққабатты сатып алу бойынша қарыз шартына қол қойды.

Көкөністердің бағасын тұрақтандыру келісімі 2024 жылдың 1 қыркүйегінен 2025 жылдың 30 сәуіріне дейін күшінде болады. Ол бойынша ай сайын шекті баға белгіленеді.

Бір келінің орташа шекті бағасы: сәбізге 171 теңге, картопқа 168 теңге, қа 140 теңге, пиязға 114 теңге белгіленді.

Сатып алынатын көкөністердің жалпы көлемі – шамамен 10 мың тонна. Ол «Магнум» желісі арқылы төмендетілген бағамен сатылады. Сатушының сауда үстемесі 10%-дан аспайды.

ӘКК 1 қыркүйекке дейін ЖҚТБ-ның 13 позициясының бағасын тұрақтандыруды жалғастырады: қарақұмық, рожки, күріш, күнбағыс майы, май, айран, сүт, сүзбе, тауық еті (аяқтар мен жамбас), сиыр еті, ұн, нан мен тұз.