Асхат Аймағамбетов, Ринат Зайытов: AMANAT партиясы Мәжіліс депутаттығына үміткерлердің тізімін бекітті

Бұрынғы Оқу-ағарту министрі Асхат Аймағамбетов, ақын Ринат Зайытов Мәжіліс сайлауына қатысады.

Amanat партиясы атынан 90 кандидат қатысады. Олардың қатарында Ерлан Қошанов, Асхат Аймағамбетов, Есен Елеукен, Ринат Зайытов, Дархан Қамзабек, Артур Платанов, Нартай Аралбай, Мақсат Толықбай және тағы басқан.

Сондай-ақ бірмандаттық аумақтық сайлау округтері бойынша Мәжіліс депутаттығына 29 үміткер қатысады. Үміткерлердің тізімі бүгін Астана қаласында өтіп жатқан AMANAT партиясының кезектен тыс XXV съезінде бекітілді.

Айта кетейік, бұған дейін 19 наурызда Мәжіліс сайлауы өтетіні хабарланған еді. Науқанға 7 саяси партия қатысады.