Бір тәулікте 279 адамнан коронавирус инфекциясы анықталды

Қазақстанда бір тәулікте 279 адамнан коронавирус инфекциясы анықталды, деп хабарлады денсаулық сақтау министрлігі.

Сондай-ақ өткен тәулікте коронавирустан бір адам қайтыс болды.

15 желтоқсандағы мәлімет бойынша 2 008 адам коронавирус инфекциясынан емделіп жатыр. Оның ішінде 308 пациент стационарда, 1 700 науқас амбулаториялық деңгейде ем қабылдап жатыр.

Коронавирусқа шалдыққандар арасында 13 адамның жағдайы ауыр, бір науқас өте ауыр жағдайда жатыр. Бір адам жасанды тыныс алу аппаратына қосылған.