Биыл әскери қызметшілердің жалақысы өседі

2023 жылы бірқатар әскери қызметшінің жалақысы өседі. Бұл туралы Қорғаныс министрінің орынбасары Сұлтан Қамалетдинов айтты.

«Бүгінде әскери-әуе күштері ұшқыштарының жалақысы өсті. Жыл соңына дейін профессор-оқытушылар құрамының жалақысын азаматтық жоғары оқу орындарының деңгейіне дейін арттыру мәселесі шешіліп жатыр. Әскери дәрігерлердің еңбекақысын көтеру мәселесі қаралып, олардың жалақысын азаматтық сектордағы медицина қызметкерлері деңгейіне дейін арттыру ұсынысы қолдау тапты», - деді ол Сенаттың жалпы отырысынан соң.

Сондай-ақ вице-министр жыл соңына дейін әскери қызметшілердің жалақысы 30% артатынын атап өтті.