Ливаннан 41 қазақстандық елге жеткізілді

Таяу Шығыс өңіріндегі шиеленістің күшеуіне байланысты президент Қасым-Жомарт Тоқаевтың тапсырмасы бойынша Ливаннан Қазақстан азаматтарын және олардың отбасы мүшелерін елге эвакуациялау шаралары жүзеге асырылды.

Сыртқы істер министрлігінің мәлімдеуінше, аталған операция Ыстамбұл және Дубай арқылы ұйымдастырылып, 17-31 қазан аралығында Бейруттан Астана мен Алматыға 41 адам аман-есен жеткізілген.

Эвакуация әскери қақтығыс аймағында қалған Қазақстан азаматтарының құқығы мен мүдделерін қорғау мақсатында жүргізілді, - деп хабарлады министрлік.

Айта кетейік, бұған дейін Таяу Шығыстағы жағдайдың ұшығуына байланысты министрлік қазақстандықтарға аталған өңірдегі ахуал тұрақтанғанға дейін Израиль мен Ливанға барудан уақытша бас тартуға кеңес берген еді.