Шымкентте қараусыз қалған 5 жасар бала бассейнге батып кетті

Шымкенттегі фитнес-клубтардың бірінде қараусыз қалған бала бассейнге батып кетті.

2018 жылы туған баланың өлімі туралы қалалық полиция департаменті мәлімдеді.

29 қаңтарда 17:25-те жедел медицина қызметінен Шымкент қалалық ТЖД дағдарыс жағдайлары басқармасына балаларға арналған бассейнге 2018 жылы туған баланың батып кеткені туралы ақпарат түскен. Қайғылы жағдай KASEIT фитнес-клубында болған, – делінген хабарламада.

Полиция мәліметінше, қараусыз қалған бала тереңдігі 1,2 метр болатын бассейнге батып кеткен. Қазір оқиғаның мән-жайы анықталып жатыр. Сот-медициналық сараптамасы тағайындалды.