Таразда әпкесінің атына 3 несие рәсімдеген тұрғынның үстінен қылмыстық іс қозғалды

Таразда әпкесінің атына 3 несие рәсімдеген тұрғынның үстінен қылмыстық іс қозғалды.

Қалалық полицияға атында несие тұрғанын көріп, интернет-алаяқтардың құрбаны болдым деп ойлаған жергілікті тұрғын шағымданған. Арызында ол ешқандай несие алмағанын көрсеткен.

Жедел-іздестіру іс-шараларын жүргізу барысында полиция қызметкерлері бірнеше ай ішінде әйелдің інісі өзінің телефонына әпкесінің атынан банктің мобильді қосымшасын орнатып алып, жалпы көлемі 1 млн 782 мың 480 теңге көлемінде үш рет ақшалай несие рәсімдегенін анықтады. Жәбірленуші өз атында несиелердің бар екенін мүгедектігі үшін алатын зейнетақысынан қаражат ұсталған кезде білген.

Полиция қызметкерлері алаяқтық дерегі бойынша қылмыстық іс қозғады. Күдікті өз кінәсін толық мойындады. Аталған дерекке қатысты тергеу әрекеттері жүргізіліп жатыр.