Текеліде пакетті парашют етіп ойнаған бала 5-қабаттан секіріп кеткен

Текеліде 8 жасар бала 5-қабаттың терезесінен полиэтилен пакетін парашют етіп ойнап жүріп, секіріп кетті. Бұл туралы Жетісу облыстық ТЖД баспасөз қызметі хабарлады.

Оқиға кеше сағат 12:20-да болған. Ересектердің қарауынсыз қалған бала полиэтилен пакетімен ойнап жүріп, парашют етіп, 5-қабаттың терезесінен секіріп кеткен.

Қазір баланың жағдайы тұрақты, Талдықорған қаласының облыстық ауруханасына арқасы көгерген, кішкентай жарықшақ диагнозымен жатқызылды, - деді құтқарушылар.