Елімізде қылмысты көбіне оқымағандар мен жұмыссыздар жасайды - ІІМ

26 сәуір 2023 15:52

Орталық коммуникациялар қызметінде өткен брифингіде ІІМ Әкімшілік полиция комитеті төрағасының орынбасары Ренат Зұлқайыров елімізде қылмыстарды көбіне қандай санаттағы азаматтардың жасайтынын айтты.

«Қылмыс деңгейіне 250-ден аса фактор әсер ететіні ғылыми дәлелденген. Олардың қатарында әлеуметтік, экономикалық, географиялық, көші-қон, табиғи, демографиялық және басқа да жағдайлар бар», - деді Ренат Зұлқайыров.

Оның айтуынша, қылмыскерлер төмендегі санаттарды қамтиды:

- 80%-ы – жұмыссыздар;

- жасөспірімдер арасындағы қылмыстардың 47%-ын еш жерде жұмыс істемеген немесе оқымағандар;

- адамның жеке басына қатысты қылмыстардың 50%-ын мастар;

- елордада қылмыстың тең жартысын өзге аймақтардан келгендер жасайды.

Әкімшілік полиция комитетінің мәліметінше, бұл мәселелерді тек күш қолдану шараларымен шешу мүмкін емес. Сондықтан қазір «Қоғаммен бірге қоғамдық қауіпсіздікті қамтамасыз етудің 2024-2028 жылдарға арналған тұжырымдамасы» әзірленіп жатыр.