Заңсыз сыйақы алған адам сотталуы мүмкін – Антикор

Сыбайлас жемқорлыққа қарсы қызмет Қылмыстық кодекске заңсыз сыйақы алған адамды үш жылға соттауды ұсынып отыр.

Енді ірі көлемде сыйақы алған адамның мүлкі тәркіленіп, 3 жылға дейінгі бас бостандығынан айырылуы мүмкін. Одан бөлек сотталған адамға  3 000 АЕК-ке (10 350 000 теңгеге) дейiн айыппұл салынып, түзеу жұмыстарына не 800 сағатқа дейінгі мерзімге қоғамдық жұмыстарға тартылад, –  делінген Ашық НҚА порталында жарияланған Қылмыстық кодекстің жаңа редакциясында.

Қазір заң бойынша мұндай әрекет жасағандарға ең қатал жаза ретінде екі жылға соттау, осы мерзімге бас бостандығын шектеу немесе 6 млн 900 мың теңге айыппұл салу шаралары қолданылады.

Сондай-ақ кінәлі деп танылған адам сот шешімімен 600 сағатқа қоғамдық жұмыстарға тартылады. Енді жоғарыда атап өткеніміздей, заңсыз сыйақы алғандарға 3 жылға бас бостандығынан айыру, 10 млн теңгеден аса айыппұл салу және 3 жылға жылға бостандығын шектеу жазасы қолданылуы мүмкін.

Құжат 17 шілдеге дейін көпшілік талқылауда болады.