Жылқының етін мүшелеу және эвакуатор шақыру: 2023 жылы қазақстандықтар қандай қызметтерді пайдаланды?

30 қаңтар 2024 жыл, Алматы – inDrive.Шеберлер қызметінің  тобы қазақстандықтардың 2023 жылы шеберлер қызметтеріне қалдырған сұраныстарды талдады. Алынған ақпарат негізінде олар ең көп тадап етілген қызметтердің рейтингін жасады, сонымен қатар қазақстандықтардан түскен ең қызықты және бірегей сұраныстарды атап өтті.

Ең көп сұраныстарды пайдаланушылар «Жөндеу және құрылыс» санатына қалдырды (23,38%). Екінші ең танымал категория «Көлік жөндеу» (18,92%). Үшінші және төртінші орындарда шамалы айырмашылықпен «Арнайы техника» (11,22%) және «Жүк тиегіштер» (10,74%) санаттары орналасты. Ал қызметтердің ең танымал бестігіне  соңғы болып «Тазалау және клининг» санаты кірді (5,48%).

2023 жылдың қазақстандықтар арасында ең танымал қызметтердің тізімі:

1.  «Эвакуаторды шақыру» (12,47%)
2. «Сантехникті шақыру» (9,08%)
3. «Аккумуляторды зарядтау» (7,21%)
4.  «Электршілер қызметтері» (6,35%)
5.  Тазалау және клининг (6,09%)

Статистикалық деректерден басқа, inDrive.Шеберлер пайдаланушылардың ең қызықты сұраулары туралы да айтты. Мысалы, бір қолданушы «орындықтағы дөңгелегі сынып қалды» деп жазып, оны жөндеуді сұрады. Тағы бір қолданушы «12 адамға әдемілеп дастархан жаю» туралы өтініш қалдырды. Сондай-ақ «Металл детекторы кімде бар, сақинаны іздеу керек, ауданы кішкентай – мүмкін 10 шаршы метр» деген хабарлама да табылған.

Дегенмен, ең ерекше өтініш ретінде «жылқының етін мүшелеу» туралы өтінішті атауға болады. Бұл қазақтың салт-дәстүрімен тығыз байланысты ерекше өтініш, себебі мал етінің белгілі бір бөліктері қонаққа беріледі және құрмет пен қонақжайлық белгісі болып саналады.