ҰҚК мұнай өнімдері контрабандасының жолын кесті

ҰҚК мұнай өнімдерін шетелге заңсыз шығару арнасының жолын кесті.

Ведомство өкілдерінің мәліметінше, 20 шілдеде Ұлттық қауіпсіздік комитеті «А» арнаулы мақсаттағы қызметімен, сондай-ақ Түркістан облысының прокуратурасымен өзара әрекеттесе отырып, қазақстандық мұнай өнімдерін шетелге, оның ішінде теңіз арқылы заңсыз шығару арнасының жолын кесті.

Астана, Шымкент қалаларының және Түркістан, Маңғыстау облыстарының аумағында тиісті жедел-тергеу іс-шаралары жүргізіліп жатыр.

Қылмыстық-процестік кодекстің 201-бабына сәйкес, өзге ақпарат тергеу мүддесінде жария етуге жатпайды.