Екі қалада терроризмді насихаттаған күдіктілер ұсталды

Алматы мен Түркістанда терроризмді насихаттады деген күдікпен екі ер адам ұсталды.

Алматы қаласының полиция департаменті ҰҚКД-мен бірге терроризм идеяларын насихаттады деген күдіктіні ұстады. Ұсталған адам – Қазақстан Республикасында тыйым салынған «Хизб-ут-Тахрир әл-Ислами» діни-экстремистік ұйымының өкілі.

Сонымен қатар Түркістанда облыстық ПД қызметкерлері прокуратураның үйлестіруімен терроризм идеяларын насихаттады деген күдікпен жергілікті тұрғынды ұстады. Ер адам – Қазақстанда сот шешімімен тыйым салынған «ДАИШ» халықаралық террористік ұйымы идеологиясын ұстанушы. Күдіктілердің тұрғылықты жерін тінту кезінде діни әдебиеттер мен өзге де заттай дәлелдемелер тәркіленді.