Жәмилә Бақбергенова әлем чемпионатының финалына шықты

Жәмиля Бақбергенова күрес түрлерінен өтіп жатқан әлем чемпионатының финалына шықты.

72 келіге дейінгілер арасында отандасымыз жартылай финалда румыниялық Александра Ангелді уақытынан ерте жеңді.

Енді турнирдің финалында Бақбергенова АҚШ өкілі Амит Элормен Белград боз кілемінде алтынға таласады.

Еске салайық, Жәмиля Бақбергенова Азияның екі дүркін (2020, 2022) чемпионы. Сонымен қатар, Норвегия астанасы Ослода 2021 жылы өткен әлем чемпионатының күміс жүлдегері.