USD
Қазақстанның Денсаулық сақтау министрлігі маймыл шешегіне қатысты эпидемиологиялық жағдайды бақылауда ұстап отыр. Ведомство халықаралық қатынастардың қарқынды болуына байланысты инфекцияның ел аумағына әкеліну мүмкіндігін жоққа шығармайды.
Министрліктің мәліметінше, әлемнің бірқатар мемлекетінде ауру жағдайлары тіркелген. Осыған байланысты Қазақстанда да инфекцияның ықтимал таралуына қатысты сақтық шаралары қабылданған.
Сонымен қатар Денсаулық сақтау министрлігі маймыл шешегінің халық арасында кеңінен таралу қаупін төмен деп бағалайды. Бұл ретте мамандар инфекцияның берілу жолдары мен эпидемиологиялық ахуалды ескеріп отыр.
Аурудың елге сырттан әкелінуіне жол бермеу мақсатында мемлекеттік шекарадағы санитариялық-карантиндік бақылау күшейтілген. Бұдан бөлек, инфекция тіркелген мемлекеттердегі жағдай қадағаланып, сол елдерден келген азаматтарға қатысты бақылау жүргізілуде.
Айта кетейік, Ресейде маймыл шешегін жұқтырды деген күдікпен бес адам ауруханаға жатқызылғаны хабарланды. Олардың жағдайына қатысты нақты мәліметтер тиісті органдардың ресми ақпаратына байланысты нақтылануы мүмкін.
