USD
Ішкі істер министрлігі әлеуметтік желілерде тікелей эфир жүргізіп, қоғамдық тәртіп талаптарын бұзатын азаматтарға қатысты ескерту жасады. Ведомствоның хабарлауынша, әдепсіз контент таратқан 9 стример жауапкершілікке тартылып, қамауға алынған.
Министрлік мәліметіне сәйкес, аталған тұлғалар аудитория жинау, қаралым санын арттыру және донат алу мақсатында эфир барысында балағат сөздер қолданған, қауіпті пранктер ұйымдастырған және қоғамға жат әрекеттерге барған.
Құқық бұзушыларға қатысты сот шешімі шығарылып, олардың бір бөлігіне айыппұл салынса, кейбіріне әкімшілік қамау түріндегі жаза тағайындалған.
ІІМ азаматтарға интернеттегі әрекеттері үшін де заң алдында жауап беруге тура келетінін еске салды. Ведомствоның айтуынша, желідегі анонимділік жауапкершіліктен босатпайды, ал құқықтық талаптар цифрлық кеңістікте де сақталуы тиіс.
