USD
Алматы қаласында «Инклюзивті қала: шешімдер мен мүмкіндіктер» атты панельдік сессия өтті. Бұл – есеп үшін ұйымдастырылған формалды жиын емес, қоғамдағы шынайы мәселелерді қозғаған ашық әңгіме алаңы болды. Неге десеңіз, Қазақстанның қалаларында егер сен көпшіліктен ерекшеленсең, жайлы өмір сүру түгілі, қарапайым өмір сүрудің өзі әлі күнге дейін қиын.
Сессияда ең көп резонанс тудырған спикерлердің бірі – Астана қаласындағы ірі құрылыс компанияларының бірінің құрылыс жөніндегі директоры Алмат Серіков. Ол адамдар толық қараңғылықта қалатын Dialogue in the Dark атты халықаралық жобадағы тәжірибесімен бөлісті. Бұл – қалыпты өмір шеңберінен тыс болудың қандай екенін жан-тәніңмен сезінуге мүмкіндік беретін бастама.
«Инклюзия – бұл тек дизайн емес. Бұл – ойлау жүйесі. Бұл – өзіңді ғана емес, өзгелерді де ойлауға дайын болу туралы», – деді Серіков.
«Қазақстанда қолжетімділік қажеттілік емес, қосымша міндет ретінде қарастырылған күйінде қала берсе, біз ешқайда жылжымаймыз. Студенттер, сәулетшілер мен мемлекеттік қызметкерлер осал топтардың өмірлік тәжірибесін өз басынан кешіретін алаңдар қажет», – деді ол.
Сессия ашық пікірталаспен аяқталды. Бір нәрсе анық түсінікті болды: инклюзияны қағаз жүзінде жазып қою жеткіліксіз. Оны сезіну керек. Өмір арқылы, тәжірибе арқылы
