Шерзат Болат ісі: Судья соңғы үкімді шығарды

Талдықорғанда 16 жастағы Шерзат Болатты өлтіру ісі бойынша үкім жарияланды.

Сот үкімімен:

• Абзал Шынасыл – ҚР ҚК 293-бабы 3-бөлігі (бұзақылық) бойынша – 7 жыл, 99-баптың 2-бөлігі (адам өлтіру) бойынша – 20 жыл, 24-баптың 3-бөлігі (қылмысқа дайындалу және қылмыс жасауға оқталу) бойынша – 15 жыл. ҚР ҚК 58-бабы (қылмыстар жиынтығы бойынша жаза тағайындау) негізінде – түпкілікті 23 жыл бас бостандығынан айырылды. Жазасын орташа қауіпсіздік деңгейіндегі қылмыстық-атқару жүйесі мекемесінде өтейді.

• Равиль Сакиев – 293-бап 3-бөлігі бойынша – 7 жыл, 99-баптың 2-бөлігі және 24-баптың 3-бөлігі бойынша (адам өлтіруге оқталу) – 15 жыл. Қылмыстар жиынтығы бойынша – 20 жыл бас бостандығынан айырылды. Жазасын орташа қауіпсіздік мекемесінде өтейді.

• Дархан Аскентай – 293-баптың 3-бөлігі бойынша – 7 жыл бас бостандығынан айырылды. Жазасын орташа қауіпсіздік мекемесінде өтейді.

• Шыңғыс Бельғожаев – 293-баптың 3-бөлігі бойынша – 7 жыл бас бостандығынан айырылды. Жазасын орташа қауіпсіздік мекемесінде өтейді.

• Нұрбол Тоқтаубаев – 293-баптың 3-бөлігі бойынша – 7 жыл бас бостандығынан айырылды. Жазасын орташа қауіпсіздік мекемесінде өтейді.

• Азамат Тоқтаубаев – 293-баптың 3-бөлігі бойынша – 7 жыл, 188-бап (ұрлық) бойынша – 3 жыл. ҚР ҚК 58-бабы 3-бөлігі бойынша – 9 жыл, 2024 жылғы 17 қазандағы Талғар аудандық сотының үкімімен тағайындалған жаза ескеріліп, ҚР ҚК 58-бабы 6-бөлігі негізінде – түпкілікті 15 жыл бас бостандығынан айырылды. Жазасын орташа қауіпсіздік мекемесінде өтейді.

• Нұркияс Ілиясов – 293-баптың 3-бөлігі бойынша – 7 жыл. Бұған дейін 2024 жылғы 4 сәуірде Талғар аудандық сотының шешімімен тағайындалған жаза да есепке алынып, жиынтық түрде – 9 жыл бас бостандығынан айырылды. Жазасын орташа қауіпсіздік мекемесінде өтейді.

• Дидар Қалиахмет – 293-баптың 3-бөлігі бойынша – 7 жыл бас бостандығынан айырылды.

• Думан Ысқақ (кәмелетке толмаған) – 434-бап (ауыр қылмыс туралы хабарламау) бойынша – 1 жыл 6 айға бас бостандығынан айырылды. Жазасын орташа қауіпсіздік мекемесіндегі кәмелетке толмағандарға арналған мекемеде өтейді.