Таиландта Қазақстанның туристері мінген қайық жарылып кетті

Қазақстан мен Ресей азаматтары мінген катер Пхукет провинциясында Майтон аралында жарылып, өртке оранған.

Катерге барлығы 31 турист отырған. Жарылыс болған кезде 30 адам суда шомылып жүрген, ал Ресей азаматы қайықта отырған. Ол жеңіл күйік алған. Зардап шеккен адамдар ауруханаға түсті.

Таиланд полициясының мәлімдеуінше, 30 адамның денсаулығы жақсы, ешкім жарақат алмаған.